Brasilíska stjórnstjarnan Neymar mun missa af restinni af leiktíðinni með Paris Saint-Germain vegna meiðsla. Frá þessu greinir félagið nú fyrir skömmu.
Neymar meiddist á ökkla á dögunum í sigri PSG á Lille og hefur verið frá undanfarna tvo leiki.
Nú er ljóst að meiðslin eru alvarleg og þarf Neymar að fara í aðgerð. Hún fer fram í Doha á næstu dögum.
Neymar mun svo ekki æfa með PSG í 3-4 mánuði í kjölfarið.
Franska liðið mætir Bayern á útivelli í seinni leik liðanna í Meistaradeild Evrópu á miðvikudag. Bayern leiðir 1-0 eftir fyrri leikinn í París.
