Mikil eftir­vænting ríkir fyrir leiknum en Manchester United kemur inn í leikinn sem liðið í betri stöðu, liðið situr í 3. sæti á meðan að Liver­pool situr í því sjötta.

Bæði lið hafa verið á fínni siglingu í ensku úr­vals­deildinni undan­farið og ljóst að ekki verður tomma gefin eftir þegar flautað verður til leiks kl 16:30.

Að mati N­evil­le er enn sú ára hangandi yfir Anfi­eld, heima­velli Liver­pool að þangað sé erfitt að koma, erfitt að sækja stigin þrjú sem í boði eru þrátt fyrir að gengi liðsins hafi ekki staðist væntingar á yfir­standandi tíma­bili.

,,Ég er ekki að segja að leik­menn Manchester United muni hafa miklar á­hyggjur af því að þurfa mæta til leiks á Anfi­eld en allir þeir sem hafa komið á Anfi­eld áður vita hversu erfitt það er að ná ein­hverju þaðan.“

Leik­menn Manchester United þurfi að ná fram sínu allra besta í leik dagsins til þess að bera sigur úr býtum.

,,Til­finning mín er samt sem áður sú að þetta Liver­pool lið sé lið sem Manchester United getur skaðað. Ef leik­menn Manchester United sýna þraut­seigju, kraft og gæði líkt og hefur verið raunin undan­farna mánuði, þá á Liver­pool von á erfiðum leik.“