Portúgalska knatt­spyrnu­goð­sögnin Cristiano Ron­aldo hjálpaði til við að láta draum 10 ára sýr­lensks stráks rætast á dögunum. Hinn 10 ára gamli Nabil Saeed missti föður sinn í jarð­skjálftunum sem gengu yfir Sýr­land og Tyrk­land á dögunum.

Þegar björgunar­að­gerðir stóðu yfir í Sýr­landi, þar sem faðir Nabil lét lífið í kjöl­far jarð­skjálftanna miklu, sagði Nabil björgunar­manni frá því að draumur sinn væri að sjá leik með Cristiano Ron­aldo sem er af mörgum talinn besti knatt­spyrnu­maður sögunnar.

Svo fór að saga Nabil barst alla leið til Sádi-Arabíu, nánar til­tekið til for­seta Al-Nassr, fé­lags­liðs Ron­aldo.

Á­kveðið var að bjóða Nabil að koma og horfa á leik með Al-Nassr og varpa mynd­bönd, sem farið hafa í dreifingu á sam­fé­lags­miðlum, ljósi á það hversu miklu máli það skipti fyrir Nabil að fá tæki­færi til þess að upp­lifa draum sinn.

Hjá Al-Nassr fékk hann meðal annars að hitta Ron­aldo og gerðist hann meira segja svo hugaður að taka ein­kennis fagn knatt­spyrnu­goð­sagnarinnar fyrir framan hann.

Mynd­bandið af þessari hjart­næmu stund má sjá hér fyrir neðan:

📹Cristiano Ronaldo grants wish of Syrian boy who lost father in the Turkey-Syria earthquakehttps://t.co/LzjV4JsJPk@Cristiano #Ronaldo @PSG_English #syriaearthquake pic.twitter.com/Bjrovrm4Xl

— Khaleej Times (@khaleejtimes) March 4, 2023