Liver­pool valtaði yfir erki­fjendur sína í Manchester United í stór­leik dagsins í ensku úr­vals­deildinni. Loka­tölur á Anfi­eld í Liver­pool, 7-0.

Það var Hollendingurinn ungi, Cody Gak­po sem kom Liver­pool yfir með hnit­miðuðu og góðu skoti á 43. mínútu við mikil fagnaðar­læti við­staddra á Anfi­eld, heima­velli Liver­pool.

Það reyndist eina mark fyrri hálf­leiksins.

Heima­menn voru ekki lengir að stimpla sig inn í seinni hálf­leikinn því strax á 47. mínútu barst boltinn til Darwin Nu­nez sem skallaði hann í netið af stuttu færi, kom Liver­pool tveimur mörkum yfir og skoraði um leið sitt 7 mark á tíma­bilinu í ensku úr­vals­deildinni.

Það tók Liver­pool svo að­eins þrjár mínútur til við­bótar til þess að gera út um leikinn. Heima­menn unnu boltann á sínum vallar­helmingi, komu boltanum fljótt út á hægri kant á Mohamed Salah sem átti sprett upp kantinn og kom boltanum síðan á Cody Gak­po sem lyfti boltanum snyrti­lega yfir David de Gea í markinu.

Heima­menn voru hins vegar ekki hættir og héldu á­fram að láta finna fyrir sér. Á 66. mínútu bætti Mohamed Salah við fjórða marki liðsins eftir enn eina skyndi­sóknina.

Niður­læging Manchester United var full­komnuð á 76. mínútu þegar að Darwin Nu­nez reis hæst í teignum og skallaði boltann í netið, hans annað mark í leiknum. Staðan orðin 5-0.

Það var þó nægur tími fyrir Liver­pool til þess að bæta við marki. Sjötta markið kom á 83. mínútu og það skoraði Mohamed Salah.

Vara­maðurinn Rober­to Firmino hóf síðan loka­mánuði sína í treyju Liver­pool með því að bæta við sjöunda marki Liver­pool á 89. mínútu.

Fleiri mörk voru ekki skoruð í leiknum. Sigur Liver­pool lyftir þeim upp í 5. sæti ensku úr­vals­deildarinnar þar sem liðið er með 42 stig, þremur stigum á eftir Totten­ham sem situr í 4. sæti.

Manchester United er síðan í 3. sæti með 49 stig.