Íslenski knattspyrnukappinn Hólmbert Aron Friðjónsson hefur heldur betur þurft að standa með sjálfum sér undanfarna mánuði þar sem hann er nú á mála hjá þýska B-deildar liðinu Holstein Kiel.

Í viðtali við Fréttablaðið fer Hólmbert yfir sviðið hjá sér en leikmaðurinn var keyptur til Holstein Kiel frá Brescia á sínum tíma.

Hjá Hol­stein Kiel hefur Hólm­bert upp­lifað erfiða tíma sem komu í kjöl­farið af meiðsla­tíma­bili á Ítalíu.

„Þjálfarinn sem fékk mig til Kiel fór og það kom nýr þjálfari hérna inn. Fyrsta hálfa árið mitt hérna og tímann hjá Brescia fór ég í gegnum allan skalann af meiðslum sem hægt var að ganga í gegnum á einu og hálfu ári.

Þetta var enda­laust, heill heilsu í mánuð en svo meiddur í sex vikur, heill heilsu í þrjár vikur en svo meiddur í mánuð. Þjálfarinn var orðinn þreyttur á mér,“ segir Hólm­bert.

Til að komast í gang á­kvað Hólm­bert á síðasta ári að ganga í raðir Lillest­röm í Noregi á láni og þar fann hann sitt gamla form.

„Það var á­kveðið að fara á lán til Lillest­röm, þar fékk ég fjögurra mánaða undir­búnings­tíma­bil og þar komst ég al­gjör­lega í gang. Þegar ég kom til baka til Kiel núna var þjálfarinn með sömu skoðun á mér og þegar ég var hérna áður.

Ég labbaði inn á æfinga­svæðið og fann að þeir vildu losna við mig strax, ég var í betra standi en áður og setti allt í botn. Ég vann mig hægt og ró­lega inn í þetta, ég skoraði í æfinga­leikjum og þjálfarinn fór að tala vel um mig. Þjálfarinn vildi fyrst selja mig en þarna vildi hann halda mér og sagði að ég fengi að spila,“ segir Hólm­bert.

Hlutirnir horfi nú til betri vegar en viðtalið við Hólmbert í heild sinni má lesa hér.