Al-Nassr, með portúgölsku knatt­spyrnu­stjörnuna Cristiano Ron­aldo í farar­broddi, vann á dögunum 3-1 sigur gegn Al-Batin í sádi-arabísku úr­vals­deildinni. Stigin þrjú mikil­væg í bar­áttu Al-Nassr um meistara­titilinn en upp hafa vaknað spurningar í kjöl­far leiksins þess efnis hvort brögð séu í tafli.

Þannig slær þýski fjöl­miðillinn Bild upp spurningu í fyrir­sögn sinni í frétt um leikinn og spyr ein­fald­lega: ,,Spila þeir þar til Ron­aldo vinnur?“

Þannig er nefni­legast mál með vexti að lengi vel leit út fyrir að Al-Batin væri að fara af hólmi með afar ó­væntan sigur á Al-Nassr. Liðið hafði komist yfir snemma leiks en í upp­bóta­tíma venju­legs leik­tíma átti allt eftir að breytast.

Dómari leiksins á­kvað að bæta 12 mínútum við venju­legan leik­tíma undir lok leiks, eitt­hvað sem blaða­maður Mirror á erfitt með að átta sig á.

,,Lengd upp­bóta­tímans kom mörgum að ó­vörum, erfitt var að koma augu á það hvar slíkar tafir hefðu komið upp í leiknum. Leik­menn Al-Batin gerðu dómara leiksins grein fyrir ó­á­nægju sinni eftir leik.“

Á þessum tólf mínútum sem dómari leiksins bætti við, náðu leik­menn Al-Nassr að skora þrjú mörk og fara af hólmi með 3-1 sigur.