Mál­efni enska úr­vals­deildar­fé­lagsins Chelsea eru í deiglunni hjá The Telegraph í dag en miðillinn heldur því fram að allt að fjór­tán leik­menn gætu yfir­gefið her­búðir fé­lagsins eftir yfir­standandi tíma­bil.

Hreinsanirnar yrðu að frum­kvæði Todd Boehly, eins af eig­endum Chelsea en Telegraph heldur því fram að hann muni losa sig við alla þá leik­menn sem muni ekki vilja skrifa undir minnst tveggja ára samning.

Chelsea hefur eytt yfir 500 milljónum punda í nýja leik­menn undan­farna tvo fé­lags­skipta­glugga, leik­manna­hópurinn er nú breiður en þrátt fyrir miklar fjár­festingar í nýjum leik­mönnum hafa úr­slitin látið á sér standa.

Chelsea situr um miðja deild og knatt­spyrnu­stjóri fé­lagsins, Graham Potter, sem var ráðinn inn í septem­ber á síðasta ári, er undir mikilli pressu.

For­ráða­menn Chelsea vilja forðast það eins og heitan eldinn að leik­menn eigi að­eins tólf mánuði eða minna eftir af nú­verandi samningi sínum og eiga þar með hættu á því að missa þá frá sér á frjálsri sölu.

Þá eru, sam­kvæmt Telegraph, uppi vanga­veltur meðal for­ráða­manna fé­lagsins að losa leik­menn sem eiga tvö eða færri ár eftir af samningi sínum.

Allt í allt gætu um fjór­tán leik­menn yfir­gefið her­búðir fé­lagsins á næstunni, leik­menn á borð við:

Mateo Kova­cic, Mason Mount, Christian Pulisic, Ru­ben Loftus-Che­ek, Pi­er­re-Emerick Auba­mey­ang, César Azpilicueta og Thiago Silva.
Ofan­greindir leik­menn eru allir á samningi sem rennur út sumarið 2024 og gætu fengið sparkið í sumar neiti þeir að skrifa undir fram­lengingu á sínum samningi.

Fé­lagið myndi þá heldur vilja fá vænan aur fyrir þá fremur en að missa þá frá sér á frjálsri sölu.