Knattspyrnumaðurinn Alfie Mawson, sem skaust fram á sjónvarsviðið í ensku úrvalsdeildinni á sínum tíma með Swansea City, hefur neyðst til þess að leggja knattspyrnuskóna á hilluna, aðeins 29 ára að aldri.

Frammistaða Mawson á sínum tíma í ensku úrvalsdeildinni varð til þess að hann var orðaður við Arsenal og fékk meira að segja kallið frá enska landsliðsþjálfaranum.

Undanfarið hefur hann þó verið að glíma við þrálát hnémeiðsli sem komu honum á stað sem hann vildi aldrei vera á.

Þessi meiðsli urðu til þess að hann leitaði ráða hjá sérfræðilækni. Hann man eftir stundinni þegar að hann fékk fréttirnar sem gerðu út um vonir hans, endanlega.

,,Ég spurði lækninn minn hvað væri hægt að gera í sambandi við annað hnéð á mér og hann svaraði: ´Ég skulda þér það að segja þér ekki að ég teldi að þú ættir að leggja skóna á hilluna, heldur að þú þurfir að leggja skóna á hilluna.´“

Mawson segir að við þessar fréttir hafi hann horft á umboðsmann sinn sem hafði fylgt honum á fund læknisins.

,,Hann huldi andlit sitt bara í höndum sínum. Ég hafði það á tilfinningunni að þetta yrðu fréttirnar sem ég fengi en að heyra þær, það var skrítið.“

Sérfræðilæknir gerði Mawson það ljóst að jafnvel aðeins nokkrir knattspyrnuleiki í viðbót með félagsliði hans Wycome, gætu haft alvarlegar afleiðingar fyrir hann.

,,Ég gæti kannski spilað þrjá til fjóra leiki í viðtbót en myndi ekki ganga eðlilega eftir það.“

Þá hafi hlutirnir tekið enn verri stefnu í framhaldinu.

,,Ég spurði hann hvort ég gæti ekki haldið mér í formi með því að hjóla mikið. Hann sagði að ég gæti hjólað eins mikið og ég vildi, ég ætti bara aldrei að hlaupa aftur. ´Þegar að þú yfirgefur herbergið, aldrei hlaupa aftur´.“