Samkvæmt hollenskum fjölmiðlum var knattspyrnumaðurinn Mohamed Ihattaren handtekinn á heimili sínu í gær, grunaður um að hafa beitt fyrrverandi kærustu sína ofbeldi.
Ihattaren átti 21 árs afmæli í gær og var handtekinn á afmælisdaginn. Lögreglan réðist inn á heimili hans, sem var hluti af rannsókn málsins.
Hollenskir fjölmiðlar halda þessu fram en lögregla á eftir að staðfesta tíðindin.
Talið er að málið tengist TikTok-stjörnunni Yasmine. Þau hafa byrjað saman og slitið sambandinu á ný nokkrum sinnum.
Ihattaren var handtekinn undir lok síðasta árs fyrir að eiga í hótunum. Það mál er þó alveg ótengt.
Hollendingurinn er á mála hjá Juventus en á enn eftir að spila fyrir félagið. Hann var keyptur frá PSV á 5 milljónir punda árið 2021 og hefur verið lánaður til Sampdoria og Ajax, án þess þó að standa sig.
Ihattaren hefur glímt við mikið þunglyndi allt frá því faðir hans lést árið 2019 og er það talið hafa gífurleg áhrif á knattspyrnuferil hans.
