Starf Graham Potter hjá Chelsea er talið í mikilli hættu eftir slæm úrslit undanfarið.
Hann tók við sem stjóri í haust eftir að Thomas Tuchel var rekinn. Hann hafði heillað hjá Brighton.
Það hefur hins vegar lítið gengið hjá Chelsea undanfarið. Liðið hefur aðeins unnið tvo af síðustu níu leikjum síðum í öllum keppnum. Þá eru lærisveinar Potter í tíunda sæti ensku úrvalsdeildarinnar þegar hún er að verða hálfnuð.
Hér að neðan má sjá fimm menn sem gætu tekið við Chelsea ef Potter verður rekinn. Listinn er birtur í þeirri röð eftir því hversu líklegir menn eru taldir til að taka við starfinu samkvæmt veðbönkum. Götublaðið The Sun tók saman.
Mauricio Pochettino
Talinn líklegastur af veðbönkum. Hefur áður verið hjá Englandi er hann stýrði Tottenham. Pochettino er án starfs sem stendur.
Brendan Rodgers
Hefur sannað að hann sé góður stjóri þrátt fyrir slakt tímabil hjá Leicester það sem af er. Á sögu hjá Chelsea, þar sem hann þjálfaði varaliðið á sínum yngri árum.
Diego Simeone
Svakalega reynslumikill. Verið hjá Atletico Madrid síðan 2011 og spurning hvort tími sé kominn á næsta skref.
Zinedine Zidane
Flestir héldu að hann tæki við franska landsliðinu en knattspyrnusambandið þar í landi framlengdi við Didier Deschamps eftir HM. Hefur náð stórkostlegum árangri með Real Madrid.
Thomas Tuchel
Þetta yrði athyglisvert. Var rekinn frá Chelsea snemma á tímabilinu en margir stuðningsmenn vilja hann aftur. Eigandinn Todd Boehly þyrfti að kyngja stoltinu til að ráða Tuchel á ný.
