Ulla Sandrock er elskuð og dáð af stuðningsfólki Liverpool í dag en það var hún sem sannfærði Jurgen Klopp um að framlengja samning sinn við félagið.

Ulla er eiginkona Klopp en það var af hennar frumkvæði sem Klopp ákvað að skipta um skoðun. Þýski stjórinn hafði ætlað að hætta árið 2024 með Liverpool en framlengdi samning sinn í gær til 2026.

Klopp og Ulla hafa búið á Englandi í sex og hálft ár og Ulla vill ekki snúa aftur til Þýskalands í bráð.

Hver er Ulla?

Ulla vann áður sem kennar en núna er hún rithöfundur. Hún hefur skrifað bók um strákinn sem fann töfra fótbolta og varð að frábærum leikmanni. Hún vinnur mikið í góðgerðarstarfi

Hún mætir á nokkra Liverpool leiki á ári en hún mætir ekki á alla leiki liðsins á Anfield. Hún sást mæta á leik liðsins gegn Manchester City á dögunum á útivelli.

Klopp og Ulla kynntust á Oktoberfest í Munchen og hafa verið gift í sautján ár.

„Af hverju er ég að framlengja? Því Ulla vill vera áfram, sem góður eiginmaður þá geri ég það sem konan mín biður mig um. Ég verð áfram,“ sagði Klopp og gerði Ulla að hetju á meðal stuðningsmanna Liverpool.