Seinni leikjum kvöldsins í Sambandsdeild Evrópu var að ljúka rétt í þessu.
Ísak Bergmann Jóhannesson og Andri Fannar Baldursson voru báðir í leikmannahópi FC Kaupmannahöfn er liðið sótti PSV heim. Ísak var í byrjunarliðinu en Andri Fannar byrjaði leikinn á bekknum.
Ísak kom sínum mönnum í forystu strax á 6. mínútu þegar hann tók snertingu framhjá markverði PSV og setti boltann í autt markið.
Cody Gakpo jafnaði fyrir PSV á 21. mínútu en Pep Biel kom danska liðinu aftur í forystu tveimur mínútum síðar. Lukas Lerager bætti við þriðja marki FCK á 43. mínútu og staðan 3-1 þegar flautað var til loka fyrri hálfleiks.
Heimamönnum tókst að jafna í 3-3 áður en Pep Biel kom FCK aftur yfir á 78. mínútu en Eran Zahavi svaraði fyrir PSV með marki á 85. mínútu og lokatölur 4-4 í miklum markaleik.
Alfons Sampsted og félagar í Bodö/Glimt mættu AZ Alkmaar. Amahl Pellegrino kom Noregsmeisturunum yfir á 39. mínútu eftir stoðsendingu frá Alfons. Zakaria Aboukhlal jafnaði fyrir AZ á 75. mínútu en Ola Solbakken tryggði Bodö sigurinn í fyrri viðureign liðanna með marki úr vítaspyrnu í uppbótartíma.
Þá vann Leicester 2-0 sigur á Rennes. Marc Albrighton og Kelechi Ihenacho gerðu mörk enska liðsins. Marseille vann Basel 2-1 á heimavelli. Arkadiusz Milik skoraði bæði mörk Marseille.
Bodö/Glimt 2 – 1 AZ
1-0 Amahl Pellegrino (’39)
1-1 Zakaria Aboukhlal (’75)
2-1 Ola Solbakken (’90+1, vít)
Leicester 2– 0 Rennes
1-0 Marc Albrighton (’30)
2-0 Kelechi Iheanacho (90+3)
Marseille 2– 1 Basel
1-0 Arkadiusz Milik (’19, víti)
2-0 Arkadiusz Milik (’68)
2-1 Sebastiano Esposito
PSV 4 – 4 FCK
0-1 Ísak Bergmann Jóhannesson (‘6)
1-1 Cody Gakpo (’21)
1-2 Pep Biel (’23)
1-3 Lukas Lerager (’43)
2-3 Ritsu Doan (’50)
3-3 Cody Gakpo (’70)
3-4 Pep Biel (’78)
4-4 Eran Zahavi (’85)
