Grétar Rafn Steinsson tók í upphafi árs til starfa hjá KSÍ sem tæknilegur ráðgjafi knattspyrnusviðs. Grétar var ráðinn til starfa í hálft ár áður en hann hélt til Tottenham í ensku úrvalsdeildinni.

Þar hefur Grétar mikla ábyrgð og fær mikla virðingu og lof fyrir starf sitt. Eitt af því sem Grétar gerði undir lok tímans hjá KSÍ var að vinna skýrslu um starfið og hvaða tól og tæki KSÍ hefur til að bæta hlutina hjá sér. Fréttablaðið hefur skýrsluna í sínum höndum og birti seinni hluta hennar í dag.

Í þeim hluta gagnrýnir Grétar meðal annars íslensk félagslið. „Leik­­mönnum karla­­megin á hæsta le­veli hefur fækkað og eins og ég minntist á áður þá erum við að greiða at­vinnu­manna laun í á­huga­manna um­­hverfi og í rauninni byrjum við á röngum enda,“ skrifar Grétar, sem vill sjá félög hugsa lengra.

„Í stað þess að byggja til lengri tíma þá fer meiri­hluti fjár­­magns í laun leik­manna.

Breytinga er þörf og það þyrfti að gera dýpri greiningu á fót­­boltanum. Partur að því er að fé­lög komi saman og finni út hvernig fót­­bolti lítur út í dag, hvernig um­­hverfið utan á landi er og hvernig fót­­bolti muni líta út i fram­­tíðinni.“

Grétar segir skammtímalausnir koma í bakið á íslenskum fótbolta og að dæmin sýni það nú.

„Lang­­tíma úr­­slit byrja í okkar eigin fót­­bolta á Ís­landi og ferlið síðustu ár bæði hjá Ís­­lenskum fót­­bolta og skamm­­tíma hugsun A liðs hefur leitt til þess að í augna­blikinu erum við ein­­göngu með 3 leik­­menn sem eru að spila í topp 5 karla deildum í Evrópu, tveir verða ný­liðar eftir að hafa farið upp um deild og Rúnar Alex fær vonandi séns hjá Arsenal hópnum,“ segir Grétar og á þar við Mikael Egil Ellerts­­son og Þóri Jóhann Helga­­son sem eru á fyrsta ári í úr­­vals­­deildinni á Ítalíu.

„Á síðustu 10 árum er fjár­­magn frá KSÍ til ís­­lenskra liða komið yfir 2 MILLJARÐA. Þegar skoðað er fjár­­magn sem borist hefur inn í ís­­lenskan fót­­bolta og borið saman við önnur lönd lönd þá greiðir KSÍ bæði fyrir hluti sem aðrar þjóðir borga ekki fyrir og út án þess að sá peningur sé eyrna­­merktur fyrir þróun eða upp­­byggingu,

Ef við að­lögum okkur ekki þá verðum við á sama stað eftir önnur 10 ár að gera ná­­kvæm­­lega það sama og við höfum alltaf gert. Fót­­bolti hefur breyst gífur­­lega mikið en við höfum því miður staðnað og ef þú ferð ekki á­­fram í þessari grein, þá ferðu aftur­­á­bak.“

Grétar bendir á tölfræði sem kemur vægast sagt illa út fyrir íslenskan fótbolta. Þar kemur fram að meðalaldur leikmanna í Bestu deild karla sé einn sá elsti í Evrópu. Þá fái ungir leikmenn fá tækifæri og fara snemma erlendis. Þá séu félagslið farin að kaupa til baka unga íslenska leikmenn sem hafa ekki fest sig í sessi erlendis. Þá bendir Grétar á að greining sé lítil sem engin og að dæmi séu um að félög hafi sett „smáauglýsingar“ erlendis til að auglýsa eftir leikmönnum rétt fyrir lokun félagaskiptaglugga.

Farið er yfir skýrsluna á ítarlegri máta í Fréttablaðinu.