Samkvæmt AS á Spáni vill Jude Bellingham miðjumaður Dortmund fyrst og fremst ganga í raðir Real Madird næsta sumar.
Bellingham hefur mest verið orðaður við Liverpool en annar tónn er að færast í umræðuna.
AS segir að Bellingham vilji ganga í raðir Real Madrid en Dortmund er tilbúið að selja enska miðjumanninn næsta sumar.
Þessi 19 ára gamli miðjumaður vill fara frá Dortmund næsta sumar og kaupverðið verður um og yfir 100 milljónir punda.
Liverpool hefur lengi vel haft augastað á Bellingham en Real Madrid vill finna arftaka Luka Modric næsta sumar.
Modric er 37 ára gamall og horfa forráðamenn Real Madrid í það að Bellingham sé hinn fullkomni arftaki. Í gegum tíðina hefur verið erfitt að keppa við Real Madrid þegar félagið er á eftir leikmanni.
