Philippe Coutinho ætlar ekki að stoppa lengi á Englandi og er nú þegar farinn að horfa til heimalandsins.

Frá þessu greinir Goal en Coutinho hefur ekki staðist væntingar með Villa á þessu tímabili.

Þessi þrítugi leikmaður er á óskalista Corinthians í Brasilíu en ólíklegt er að félagið geti tekið við honum endanlega.

Corinthians myndi heldur vilja fá Coutinho í láni en hann spilar í dag með Aston Villa í efstu deild.

Það er einnig talað um að Villa muni rifta samningi Coutinho sem byrjaði mjög vel á Villa Park en var fljótur að fara niður um gír.

Coutinho er einn launahæsti leikmaður Villa og gerði áður garðinn frægan með Liverpool.