Roy Keane, goðsögn Manchester United, gagnrýndi brasilíska landsliðið aftur eftir úrslitaleik HM í Katar.

Keane lét í sér heyra á meðan mótinu stóð og gagnrýndi Brasilíumennina fyrir að dansa eftir hvert einasta mark á mótinu.

Það sama má ekki segja um Argentínumenn sem biðu með dansinn þar til liðið var búið að vinna mótið.

Argentína vann Frakkland í úrslitaleiknum í vítakeppni og var Keane ekkert nema ánægður fyrir hönd leikmanna liðsins.

,,Sjáið þessar stórkostlegu senur, þetta er frábært að sjá, dansið eins og þið viljið,“ sagði Keane.

,,Þeir munu dansa á hótelinu og gangi þeim vel, þeir munu dansa næstu tíu árin. Þarna máttu dansa, þegar þú vinnur keppnina.“