Einn skemmtilegasti úrslitaleikur HM sögunnar fór fram í kvöld er Argentína og Frakkland áttust við í Katar.
Argentína byrjaði þennan leik virkilega vel og var með 2-0 forystu þegar flautað var fyrri hálfleikinn af.
Lionel Messi skoraði fyrra markið á 23. mínútu úr vítaspyrnu og bætti Angel Di Maria við öðru á 36. mínútu.
Útlitið var lengi mjög bjart fyrir Argentínu en þegar 10 mínútur voru eftir fékk Frakkland vítaspyrnu.
Kylian Mbappe steig á punktinn og lagaði stöðuna fyrir Frakka og var svo aftur á ferðinni mínútu síðar.
Mbappe tókst að jafna metin strax eftir fyrra mark sitt og tryggði Frökkum þar með framlengingu.
Í framlengingunni voru það Argentínumenn sem tóku forystuna er Messi gerði sitt annað mark á 109. mínútu.
Mbappe reyndist svo aftur hetja Frakka er tvær mínútur voru eftir en hann jafnaði þá metin á ný með öðru marki af vítapunktinum.
Leikurinn er á leið í vítaspyrnukeppni en hér fyrir neðan má sjá þrennu Mbappe.
Martinez er í boltanum en Mbappé minnkar muninn úr vítinu. 2-1. pic.twitter.com/sK7IcT5Hty
— RÚV Íþróttir (@ruvithrottir) December 18, 2022
HVAÐ ER Í GANGI HÉRNA!!! Mbappé skorar aftur og er búinn að jafna í 2-2. Það er mínúta á milli markanna. pic.twitter.com/bJpFx9Q3Ab
— RÚV Íþróttir (@ruvithrottir) December 18, 2022
Þrennan komin hjá Mbappé og Frakkar jafna aftur. Það er 3-3 góðir hálsar. pic.twitter.com/nqP4PxE295
— RÚV Íþróttir (@ruvithrottir) December 18, 2022
