Lautaro Martinez, leikmaður Argentínu, hefur spilað meiddur á HM til þessa að sögn umboðsmanns hans, Alejandro Camacho.

Martinez er leikmaður Inter Milan á Ítalíu en að sögn Camacho er sóknarmaðurinn ekki heill heilsu.

Martinez hefur þurft verkjalyf á mótinu í Katar en Argentína spilar næst gegn Hollandi í 8-liða úrslitum á morgun.

,,Lautaro hefur látið sprauta sig því hann er með mikinn verk í ökklanum,“ sagði Camacho.

,,Hann er að reyna allt sem hann getur til að losna við sársaukan og um leið og það gerist mun hann vera upp á sitt besta á vellinum.“

,,Hann er mjög sterkur andlega en mörkin sem voru tekin af honum gegn Sádí-Arabíu, það var erfitt augnablik.“