Fabio Coentrao, fyrrum liðsfélagi Cristiano Ronaldo, hefur komið leikmanninum til varnar en hann hefur verið í umræðunni síðustu vikur.

Ronaldo gaf út umdeilt viðtal við Piers Morgan þar sem hann gagnrýndi Manchester United, hans félag. Nú er búið að rifta samningi hans við félagið.

Leikmenn eins og Wayne Rooney, Gary Neville og Paul Scholes hafa gagnrýnt hegðun Ronaldo opinberlega sem og fjölmargir fleiri aðilar.

Coentrao skilur ekki þessa gagnrýni og skýtur föstum skotum á þessa fyrrum leikmenn sem ákveða að tjá sig.

,,Það er enginn vilji fyrir mig að tjá mig en ég þurfti að gera það því mér líkar ekki við það sem þeir segja um Cristiano,“ sagði Coentrao.

,,Þetta eru fyrrum leikmenn sem voru ekkert, þeir voru skítlélegir og tala um Cristiano eins og þeir hafi þýtt eitthvað. Þeir þurfa ekki að tala svona.“