Wayne Rooney hefur tjáð sig um viðtalið sem fyrrum liðsfélagi hans Cristiano Ronaldo fór í á dögunum.

Viðtalið er afar umdeilt og hefur verið á allra vörum. Þar fer Ronaldo ófögrum orðum um Erik ten Hag og fleiri hjá United.

Þá skýtur hann föstum skotum á Rooney einnig. Í viðtalinu segir Ronaldo fyrrum liðsfélaga sinn öfundsjúkann þar sem hann er enn að spila og líti betur út.

Þá virtist Ronaldo kalla Rooney rottu í viðtalinu einnig, þegar Morgan spurði hvort kappinn væri með fleiri pund á bankabókinni en fylgjendur á Instagram, sem eru tæpar 500 milljónir.

Morgan spurði hvort það Rooney yrði ekki enn öfundsjúkari ef hann myndi heyra það.

„Ekki bara hann, ímyndaðu þér restina af rottunum sem munu gagnrýna mig líka,“ segir Ronaldo.

Rooney, sem í dag er þjálfari DC United í Bandaríkjunum. Var spurður út í viðtalið.

„Cristiano er frábær leikmaður. Hann og Messi eru líklega þeir bestu í sögunni,“ segir hann.

„Aldurinn nær okkur alltaf á endanum og hann er að glíma við það.“

Rooney viðurkennir að hann sé hissa á sumu sem Ronaldo segir í viðtalinu.

„Sumt sem er sagt í viðtalinu er skrýtið en ég er viss um að Manchester United mun skoða þetta og bregðast við eins og þarf.“

Wayne Rooney with a classy response to the Cristiano Ronaldo interview 👏pic.twitter.com/V4EWpqhIVO

— SPORTbible (@sportbible) November 18, 2022