Mauricio Pochettino, fyrrum stjóri Tottenham, er opinn fyrir því að taka við enska landsliðinu ef tækifærið gefst.
Pochettino staðfestir þetta sjálfur í viðtali við the Athletic en hann er án félags þessa stundina eftir að hafa yfirgefið Paris Saint-Germain.
Pochettino er þekktastur fyrir tíma sinn á Englandi en hann náði afar góðum árangri með Southampton og svo Tottenham áður en hann var látinn fara.
Búist er við að Gareth Southgate, landsliðsþjálfari Englands, verði látinn fara ef gengið á HM í Katar verður ekki nógu gott.
,,Samband mitt við England hefur alltaf verið mjög gott. Við erum í góðu sambandi þegar kemur að akademíum og að reyna að þróa unga leikmenn fyrir landsliðið,“ sagði Pochettino.
,,Maður veit aldrei hvað gerist en ég er svo sannarlega opinn fyrir öllu.“
