Brynjar Berg, notandi á Twitter birti í vikunni kvittun af greiðslu sem hann virðist hafa fengið frá enska götublaðinu The Sun.

Brynjar virðist samkvæmt kvittun sem hann birtir selt enska blaðinu mynd af rassinum á Phil Foden, leikmanni enska landsliðsins. Myndin var tekinn á Hótel Sögu af íslenskum stelpum.

„Sirka 3 ar siðan að Phil Foden varð kviðmagur vina minna og ég gat borgað upp yfirdráttinn,“ skrifar Brynjar og birtir kvittun.

Hann leiðréttir sig síðan en um er að ræða rúm tvö ár síðan að Phil Foden og Mason Greenwood voru reknir úr enska landsliðshópnum. Þeir buðu þá íslenskum stelpum á hótel sitt á Íslandi eftir landsleik hér á landi.

Stelpurnar tóku haug af myndum og myndböndum sem rötuðu í heimsfréttirnar en Foden og Greenwood brutu þar sóttvarnarreglur sem voru í gangi vegna COVID-19.

Brynjar græddi þó á heimsókn þeirra félaga til landsins en miðað við gengi dagsins í dag fékk hann rúmar 700 þúsund krónur frá götublaðinu.

Phil Foden er nú að undirbúa sig undir HM í Katar með enska landsliðinu en Greenwood er ákærður fyrir nauðgun og ofbeldi gegn unnustu sinni í Manchester.

Sirka 3 ar siðan @PhilFoden varð kviðmagur vina minna og ég gat borgað upp yfirdráttinn pic.twitter.com/vuBI1G3iEI

— Brynjar Berg (@bbking_69) November 16, 2022