Það er mikið talað um stórstjörnuna Cristiano Ronaldo undanfarið en hann gæti verið að kveðja England á næsta ári.

Ronaldo er mikið á milli tannana á fólki þessa dagana en hann opnaði sig í viðtali við Piers Morgan í vikunni og segir Manchester United hafa svikið sig.

Ronaldo þarf ekki að hugsa út í Man Utd þessa dagana enda undirbýr hann sig fyrir HM með portúgalska og er ekki að æfa með félagsliðinu.

Jose Morais, fyrrum þjálfari Ronaldo, hefur komið leikmanninum til varnar en hann hefur legið undir mikilli gagnrýni eftir að viðtalið við Morgan fór í loftið.

Ronaldo hefur verið ásakaður um græðgi sem og sjálfselsku en Morais sem vann með Ronaldo hjá Real Madrid er ekki á því máli.

,,Að eiga leikmann eins og hann, það eru forréttindi fyrir þjálfara. Cristiano er án efa gáfuð manneskja og hann er mjög auðmjúkur,“ sagði Morais.

,,Ég tala ekki um geimverur því hann er manneskja. Hann er í raun með óþekkjanlega eiginleika mannverunar.“