Jose Mourinho, stjóri Roma, virðist hafa sent skýr skilaboð til framherjans Tammy Abraham sem leikur undir hans stjórn hjá félaginu.

Abraham var ekki valinn í landsliðshóp Englands fyrir HM en hann hefur verið í vandræðum fyrir framan markið á tímabilinu.

Mourinho er nýbúinn að hrauna yfir Rick Karsdrop, annan leikmann Roma, fyrir metnaðarleysi og á bakvörðurinn enga framtíð fyrir sér undir stjórn Portúgalans.

Mourinho segir að Abraham geti ekki vorkennt sjálfum sér fyrir valið og að hann þurfi að virða þá stöðu sem hann er í sem atvinnumaður.

,,Ég er af gamla skólanum og ég tel að þegar þú ert atvinnumaður í knattspyrnu, eitthvað sem milljón krökkum dreymir um þá þarftu ekki auka stuðning,“ sagði Mourinho.

,,Þú þarft ekki auka hvatningu. Hvað erþetta? Knattspyrnustjóra og sálfræðing, af hverju?“

,,Þú þarft að gera þitt allt á hverjum einasta degi og á hverri einustu æfingu. Spilaðu vel eða spilaðu illa en viðhorfið gerir þig öðruvísi.“

,,Vinur minn, það eru milljón börn þarna úti sem dreymir um að vera þar sem þú ert og fá komast þangað. Það eru forréttindi að vera þessir leikmenn.“