Ivan Toney var ekki valinn í landsliðshóp Englands sem ferðast til Katar síðar í þessum mánuði.

Toney er framherji Brentford í ensku úrvalsdeildinni og skoraði tvö mörk í gær er liðið vann Manchester City 2-1.

Sá sigur kemur verulega á óvart en Brentford spilaði á útivelli þar sem Toney sá um að klára Englandsmeistarana.

Margir vildu sjá Toney fá tækifærið á HM í Katar en hann fer ekki með og svaraði því með tveimur mörkum gegn einu af bestu liðum heims.

Reece James, leikmaður Chelsea, tjáði sig á Twitter eftir lokaflautið í gær og var með nokkur skýr skilaboð.

,,Ef ég tjái mig þá er ég í miklum vandræðum,“ skrifaði James og svaraði þar færslu Toney á Instagram eftir leikinn.

james er augljóslega á því máli að Toney hafi átt kallið skilið en því miður þá kom það ekki.