Katrín Ásbjörnsdóttir er gengin í raðir Breiðabliks og mun spila með liðinu á næsta keppnistímabili.

Katrín skrifar undir tveggja ára samning við Blika en hún kemur til félagsins eftir eitt ár hjá Stjörnunni.

Katrín er fædd árið 1992 og á að baki 19 landsleiki fyrir Ísland en hún hefur einnig leikið með KR og Þór/KA hér heima.

Af heimasíðu Blika:

Breiðablik og Stjarnan hafa gert með sér samkomulagi þess efnis að sóknarmaðurinn ölfugi Katrín Ásbjörnsdóttir gangi til liðs við Breiðablik. Í kjölfarið hefur Katrín skrifað undir tveggja ára samning við knattspyrnudeild Breiðabliks.

Katrín hefur verið áberandi í efstu deild frá því hún steig á sviðið með KR sumarið 2009. Hún er búin að vera með betri sóknarmönnum deildarinnar og hefur skorað 125 mörk í 282 mótsleikjum. Auk KR hefur Katrín leikið með Þór/KA og Stjörnunni á sínum ferli og hefur tvívegis orðið Íslandsmeistari. Árið 2015 lék hún með Klepp í norsku úrvalsdeildinni.

Katrín á að baki 19 A-landsleiki fyrir Íslands hönd og fjölda yngri landsleikja. Hún var á meðal bestu leikmanna deildarinnar á síðastliðnu tímabili og var næst markahæst eftir að hafa skorað 9 mörk í 16 leikjum með Stjörnunni

Það er mikið fagnaðarefni fyrir Breiðablik að fá til liðs við sig jafn reynslumikinn og góðan leikmann og Katrín er. Við bjóðum Katrínu hjartanlega velkomna í Blikafjölskylduna og hlökkum til að sjá hana á vellinum