Wayne Rooney, goðsögn Manchester United, hefur tjáð sig um Cristiano Ronaldo, leikmann liðsins, sem er alltaf á milli tannana á fólki þessa dagana.

Ronaldo reyndi ítrekað að komast burt frá Man Utd í sumar og neitaði síðar að koma inná sem varamaður undir lok leiks gegn Tottenham.

Erik ten Hag, stjóri Man Utd, setti Ronaldo þá í kælingu en hann er nú aftur orðinn hluti af aðalliðinu og er til taks.

Rooney er ekki sáttur með hegðun Ronaldo sem hann þekkir vel og talar jafnvel um hann sem einn besta ef ekki besta leikmann allra tíma.

,,Hann og Lionel Messi eru umdeilanlega bestu leikmenn allra tíma og þú getur valið þinn leikmann,“ sagði Rooney.

,,Ég tel hins vegar að það sem hann hefur gert frá byrjun tímabils sé ekki ásættanlegt fyrir Manchester United.“

,,Ég hef séð Roy Keane vernda hann, Roy hefði ekki sætt sig við þetta. Hann myndi alls ekki sætta sig við þetta.“

,,Þetta er truflun sem Manchester United þarf ekki á að halda þessa stundina, þeir eru að reyna að endurbyggja. Cristiano þarf að setja hausinn niður og vera tilbúinn þegar stjórinn þarf á honum að halda.“

,,Ef hann gerir það þá er hann vopn. Ef ekki þá er hann truflun sem liðið þarf ekki.“