Kasey Keller, goðsögn bandaríska landsliðsins, hvetur Christian Pulisic til að yfirgefa félagið sem fyrst og semja við lið þar sem hann getur verið byrjunarliðsmaður.

Pulisic fær ekki að byrja leiki Chelsea þessa dagana og hefur í raun lengi verið í vandræðum með að festa sig í sessi.

Keller telur að það séu betri möguleikar þarna úti fyrir Pulisic jafnvel þó hann fái ekki vel borgað hjá þeim félagsliðum.

,,Upphaflega þá tel ég að vandræði Pulisic hafi verið meiðsli, þetta hefur verið eitt skref áfram og tvö til baka,“ sagði Keller.

,,Hann hafði fest sig í sessi en meiddist svo. Ég hef aldrei lent í vandræðum með leikmann sem vill bara fá meira að spila.“

,,Ég geri mér grein fyrir því að það eru ekki öll lið sem borga jafn vel og Chelsea en á sama tíma þá er eitthvað sem segir þér að þú þurfir ákveðið margar mínútur.“

,,Ég var heppinn, ég átti 20 ára langan feril og ef þú ert útilieikmaður og átt 14 ára langan feril þá ertu heppinn.“

,,Viltu horfa til baka og sjá 200 leiki í heildina eða horfa til baka og sjá 500 byrjunarliðsleiki og 300 af þeim komandi inn af bekknum? Kannski sagðiru skilið við peningana en þetta er undir einstaklingnum komið.“