Fyrrum Grindvíkingurinn Lee Sharpe hefur þurft að loka veitingastað sínum á Spáni vegna skulda en enskir miðlar greina frá.

Sharpe er þekktastur fyrir tíma sinn hjá Manchester United en hann er 51 árs gamall í dag og opnaði staðinn Sharpey’s fyrir um ári síðan.

Reksturinn hefur alls ekki gengið vel hingað til og hefur Sharpe neyðst til að loka staðnum endanlega.

Staðurinn var staðsettur í Javea á Spáni og er nú fáanlegur til leigu fyrir rúmlega 2800 pund á viku.

,,Sem fjölskylda þá var þetta bara ekki að virka fyrir okkur,“ sagði Sharpe um af hverju hann væri að loka staðnum en skuldirnar voru orðnar töluverðar.

Sharpe tók þó fram að hann væri ekki hættur og mun skoða að hefja ný verkefni á næstu mánuðum.

Sharpe lék með Man Utd frá 1988 til 1996 og með Grindavík í eitt tímabil árið 2003 áður en skórnir fóru á hilluna.