Gabby Agbonlahor segir að Cristiano Ronaldo geti tekið Lionel Messi sér til fyrirmyndar, nú þegar kapparnir eru komnir á efri árin í fótboltanum.
Ronaldo er í aukahlutverki hjá Manchester United. Hann kom ekki við sögu í leik gegn Tottenham í gær. Hann strunsaði af Old Trafford áður en leiknum lauk.
Messi er kominn til Paris Saint-Germain í Frakklandi en er ekki langstærsta stjarna liðsins líkt og hann var hjá Barcelona.
Þeir tveir eru af mörgum taldir bestu knattspyrnumenn allra tíma.
„Ég hef horft mikið á leiki með PSG og Messi er oft tekinn af velli. Hann býr ekki til neitt atriði í kringum það. Hann gengur af velli, tekur í höndina á stjóranum og fær sér sæti á bekknum,“ segir Agbonlahor.
„Þó svo að þú sért stórkostlegur leikmaður getur þú ekki hugsað að það sé ekki hægt að taka þig út af.
Ef þú ert ekki að standa þig eru aðrir sem geta komið og tekið þitt sæti. Þú verður bara að höndla þetta betur.“
