Richarlison, leikmaður Tottenham, verður óvænt klár fyrir HM í Katar sem hefst í næsta mánuði.
Richarlison meiddist um helgina í leik gegn Everton og sást á hækjum eftir lokaflautið sem var mikið áhyggjuefni.
Leikmaðurinn grét einnig í viðtali eftir leikinn en Tottenham hafði betur gegn hans fyrrum félögum frá Liverpool.
Richarlison bjóst sjálfur við að þessi meiðsli á kálfa myndu stöðva hann frá því að spila á HM en útlit er fyrir að það verði ekki niðurstaðan.
Goal.com fullyrðir að Richarlison verði frá í tvær vikur og verður því til taks er Brasilía hefur leik í Katar.
Richarlison hefur áður meiðst á kálfa og var hann þá frá keppni í tvo mánuði.