Það eru fáir sem hafa byrjað tímabil sitt jafn vel og Erling Haaland sem spilar með Manchester City í ensku úrvalsdeildinni.

Haaland kom til Englandsmeistarana frá Borussia Dortmund í sumar og er með 15 mörk hingað til sem er ótrúlegur árangur.

Það er þó einn leikmaður á Englandi sem ætlar að halda í við markaskorun Haaland og ber hann nafnið Macaulay Langstaff.

Langstaff er 25 ára gamall og hefur skorað 15 mörk líkt og Haaland en hefur þó leikið fleiri leiki.

Haaland hefur skorað 15 mörk í aðeins níu leikjum á meðan Langstaff sem leikur með Notts County, hefur skorað 15 mörk í 12 leikjum.

Notts County er langt frá því að vera jafn gott lið og Man City en liðið spilar í fimmtu efstu deild í enska pýramídanum.

,,Að vera nefndur í sömu setningu og hann eru forréttindi, það er nokkuð gaman. Við erum nokkuð langt frá hvor öðrum í dag,“ sagði Langstaff.

,,Hann er í hæsta gæðaflokki og það er mín stefna að komast þangað. Ég vil skora eins mörg mörk og ég get og vera á undan honum. Ég verð ekki langt frá honum að lokum.“