Jamie Carragher, goðsögn Liverpool, hefur hrósað Mikel Arteta, stjóra Arsenal, sem er nú að ná mjög góðum árangri með liðið.

Arteta var talinn valtur í sessi um tíma eftir að hann losaði Arsenal við leikmenn eins og Pierre Emerick Aubameyang sem var vinsæll á Emirates og fór til Barcelona og síðar Chelsea.

Arteta vildi setja traust sitt á yngri leikmenn Arsenal sem hefur borgað sig og er liðið á toppi úrvalsdeildarinnar í dag.

Carragher fór fögrum orðum um Arteta á Sky Sports í gær og er aðdáandi líkt og flestir aðdáendur liðsins í dag.

,,Ég elska knattspyrnustjóra sem eru hugrakkir og taka stórar ákvarðanir sem gætu verið óvinsælar en ég elska þegar þeir taka þær,“ sagði Carragher.

,,Það er það sem hann gerði með Aubameyang og setti trú sína á alla þessa ungu leikmenn. Ég er hrifinn af því hversu hugrakkur hann var.“