Leiknir tapaði 4-2 gegn FH í fallslag í neðri hluta Bestu deildar karla í dag. Liðið er nú í fallsæti, tveimur stigum á eftir FH.

„Við gefum þeim bara 2-0 í forgjöf, eftir það erum við miklu betri aðilinn. Það er svekkjandi að fá ekkert út úr þessu, eigum tvö stangarskot en svo slökkvum við á okkur í fimm mínútur og þeir skora tvö mörk,“ segir Sigurður Heiðar Höskuldsson, þjálfari FH, við 433.is eftir leik.

FH fékk umdeilt víti sem kom þeim í 2-0. „Svona móment eru búin að falla fullmikið á móti okkur.“

„Menn þurfa að vakna. Við erum með meiddan markmann í markinu sem getur ekki sparkað, við vorum alltaf að spila til baka á hann og spiluðum þetta upp í hendurnar á þeim. En svo löguðum við þetta og tókum yfir leikinn.“

Þrír leikir eru eftir hjá Leikni, þar af tveir heimaleikir.

„Níu stig eftir og við eigum tvo heimaleiki. Þetta er erfiður völlur að koma á og þegar FH mætir svona til leiks eru þeir hörkulið með frábæra leikmenn. En það að tapa hérna er mikið högg miðað við hvernig við spiluðum fyrstu 15-20.

Við þurfum að girða okkur, gera betur. Það er aðeins meira hungur sem þarf að sjást í hópnum og þá erum við til alls líklegir.“

Ítarlega er rætt við Sigurð hér að neðan.