Martin Braithwaite hefur tjáð sig um það hvenær hann vissi að tíma sínum hjá spænska stórliðinu Barcelona væri lokið.
Barcelona reyndi allt til að losna við Braithwaite í sumar og var samningi hans að lokum rift og samdi hann við Espanyol.
Braithwaite kom óvænt til Barcelona í febrúar árið 2020 og spilaði 58 leiki fyrir liðið og skoraði tíu mörk.
Eftir alvarleg meiðsli í ágúst 2021 vissi Daninn að tími hans hjá félaginu væri liðinn en það tók dágóðan tíma að komast að samkomulagi um starfslok.
Framherjinn vildi fá laun sín borguð áður en hann hélt annað en það tókst að lokum og er hann nú hjá grönnunum í Espanyol.
,,Það var alveg ljóst að eftir meiðslin að ég fengi ekki að spila, enginn þurfti að koma að mér og segja mér það,“ sagði Braithwaite.
,.,Þetta gerðist náttúrulega og ég vissi hvað ég þyrfti að ganga í gegnum og hverjir möguleikarnir voru. Sannleikurinn er sá að ég man bara eftir góðum og jákvæðum hlutum. Ég get bara talað vel um tíma minn hjá Barcelona.“
