Varnarmaðurinn Birkir Már Sævarsson hefur skrifað undir nýjan samning við Val sem gildir út næsta tímabil.

Þetta staðfesti félagið í dag en Birkir er að verða 38 ára gamall og er fyrrum landsliðsmaður Íslands.

Birkir er hættur að spila með landsliðinu og fóru skórnir þar á hilluna árið 2021 eftir mögnuð ár með öflugu liði sem fór á tvö stórmót.

Birkir hefur verið einn öflugasti leikmaður Vals á tímabilinu í Bestu deildinni og mun halda áfram að spila stórt hlutverk á næsta ári.

Birkir er uppalinn Valsmaður en gerði garðinn frægan sem atvinnumaður í Svíþjóð og í Noregi.