Liverpool hefur ekki byrjað tímabilið of vel og hefur aðeins unnið tvo af fyrstu sjö leikjum sínum í ensku úrvalsdeildinni.

Næsti leikur liðsins er gegn toppliði Arsenal en hann hefst klukkan 15:30 á sunnudaginn og er í raun mikið undir.

Liverpool er í níunda sæti deildarinnar fyuir leikinn með 10 stig en Arsenal er á toppnum með 21 stig.

Emmanuel Petit, fyrrum leikmaður Arsenal og Chelsea, var harðorður í garð Liverpool í gær er hann hitaði upp fyrir stórrleik helgarinnar.

,,Ef þú horfir á Liverpool í dag, þeir virðast vera svo klaufalegir, þetta er skelfilegt,“ sagði Petit í samtali við Compare Bet.

,,Það er eitthvað brotið í þessu liði. Þetta gæti verið síðasta tækifæri þeirra að ná einhverju úr þessu tímabili. Ef þeir tapa gegn Arsenal eru þeir 14 stigum frá toppnum eftir níu leiki.“

,,Það eru svo margir veikleikar þarna og svo margir hlutir sem eru ekki að virka. Það er eitthvað brotið og andlega þá eru þeir ekki á sama stað og þeir hafa verið undanfarin fjögur eða fimm ár.“