Manchester United tapaði alls 115,5 milljónum punda á síðustu leiktíð. Fjallað er um málið á The Athletic.
Þá kemur einnig fram að launakostnaður félagsins hafi verið 384 milljónir punda. Hækkaði hann um 61 milljón punda á milli ára. Ekkert félag í deildinni er með hærri launakostnað.
Þá kostaði það 24,7 milljónir punda að reka Ole Gunnar Solskjær og ráða Ralf Rangnick, auk starfsmannabreytinga í kringum skiptin.
Loks hækkuðu skuldir félagins um 94,5 milljónir punda á milli ára. Arðgreiðslur á milli ára voru 33,6 milljónir punda.
