Jack Grealish, leikmaður Manchester City, sagði nýlega að hann væri kominn með nóg af því að horfa og hlusta á Graeme Souness gagnrýna sig í beinni útsendingu í sjónvarpinu. Sparkspekingurinn Richard Keyes hefur nú blandað sér í umræðuna.
„Ég veit ekki hvaða vandamál Souness glímir við í kringum mig, hann er alltaf að tala um mig,“ sagði Grealish.
„Það er vandamálið Jack,“ skrifar Keyes á Twitter og skýtur á leikmanninn.
Grealish finnst erfitt að heyra Souness gagnrýna sig.
„Það er erfitt að sjá þetta ekki þegar hann er á Sky Sports og þetta er út um allt á æfingasvæðinu okkar. Hann var frábær leikmaður og vann mikið en ég veit ekki hvert vandamálið er.“
City borgaði 100 milljónir punda fyrir Grealish þegar hann kom sumarið 2021 en hann hefur ekki fundið sitt besta form.
