Í gær bárust fréttir frá Frakklandi um það að Barcelona og Atletico Madrid væru nálægt því að komast að samkomulagi um að lækka klásúlu í samningi félaganna um kaup þess síðarnefnda á Antoine Griezmann. Barcelona segir þetta hins vegar ekki rétt.

Griezmann er á seinna ári sínu á láni hjá Atletico frá Barcelona. Það hefur vakið mikla athygli það sem af er tímabili að sóknarmaðurinn kemur alltaf inn á sem varamaður að 60 mínútnum liðnum í leikjum.

Er talið að þetta sé þar sem klásúla segir til um að Atletico þurfi að borga Börsungum um 34 milljónir punda ef Griezmann spilar visst margar mínútur.

Í gær var talað um að félögin væru að komast að samkomulagi um að lækka þessa upphæð niður í 34 milljónir punda. Svo er hins vegar ekki, ef marka má frétt Mundo Deportivo.

Griezmann gekk í raðir Barcelona frá Atletico árið 2019, en var sem fyrr segir lánaður til baka tveimur árum síðar.