David Dein, fyrrum stjórnarformaður Arsenal, hefur tjáð sig um erfiða tíma hjá félaginu og þegar hann var neyddur burt árið 2008.

Dein var með aðrar skoðanir á hver stefna félagsins ætti að vera en Stan Kroenke, eigandi enska liðsins.

Hann viðurkennir að hafa verið niðurbrotinn eftir að hafa kvatt Arsenal en hann eignaðist fyrst hlut í félaginu árið 1983.

Kroenke hefur alls ekki náð að vinna stuðningsmenn Arsenal á sitt band og hefur lengi verið mótmælt eignarhaldi félagsins.

Dein reyndi á þessum tíma að leita hjálpar fyrir utan veggi Arsenal til að bæta framtíð félagsins en það kom ekki til greina hjá eigendunum á þessum tíma.

,,Ég er jákvæð manneskja og vil vera sá sem setur múrstein í vegginn, einhver sem byggir hluti upp,“ sagði Dein.

,,Mér hefur aldrei liðið verr en þarna fyrir utan þegar móðir mín og bróðir féllu frá, ég yfirgaf félagið með tárin í augunum.“

,,Þetta var mjög gróft, ég myndi lýsa því þannig. Þetta tengdist ótta og afbrýðisemi. Ég var nokkuð stórt nafn og ég held að stjórnin hafi verið í uppnámi því leitaði að aðstoð fyrir utan félagið.“

,,Ég ræddi við Stan Kroenke um mín hlutabréf en þeir vildu halda þessu innan dyra Arsenal. Ég gat hins vegar séð hvert leikurinn var að fara.“

,,Arsene Wenger [þáverandi stjóra Arsenala] og ég komum út af stjórnarfundum lemjandi hausnum í vegginn.“

,,Við töpuðum Ashley Cole vegna fimm þúsund punda á viku, þetta var mjög erfiður tími.“