Anthony Martial, leikmaður Manchester United, hefur gagnrýnt fyrrum stjóra sinn hjá félaginu, Ole Gunnar Solskjær.

Martial missti um tíma sæti sitt í liði Man Utd og var lánaður til Sevilla á síðustu leiktíð þar sem hlutirnir gengu alls ekki upp.

Frakkinn segir að hann hafi neyðst til að spila meiddur um langt skeið áður en honum var kastað burt af Solskjær sem var rekinn á síðasta tímabili.

,,Ég spilaði reglulega meiddur. Fólk veit ekki af þessu, ég gat ekki komist að stað í fjóra mániði eftir Covid tímabilið,“ sagði Martial.

,,Stjórinn sagði að hann þyrfti á mér að halda svo ég spilaði en miðað við minn leik þá ef ég kemst ekki af stað þá verða hlutirnir flóknir.“

,,Stjórinn ákvað að halda þessu frá fjölmiðlum. Aujgljóslega þá endaði ég uppi meiddur og þegar ég sneri aftur þá var ég búinn og fékk ekki að spila meira.“

,,Ég tók þessu mjög illa, mér leið eins og þetta væri ekki sanngjarnt. Þú ert beðinn um að fórna sjálfum þér fyrir liðið og svo er þér kastað burt. Að mínu mati eru þetta nánast svik.“