Chelsea hefur staðfest ráðningu sína á Graham Potter sem er nýr knattspyrnustjóri félagsins. Skrifar hann undir fimm ára samning við félagið.
Chelsea ákvað í gær að reka Thomas Tuchel úr starfi en hann og nýr eigandi Chelsea, Todd Bohely náðu ekki vel saman.
Potter tekur með sér Billy Reid, Bjorn Hamberg og Bruno sem voru þjálfarar í aðalliði Brighton. Hann tekur einnig með sér markmannsþjálfarann Ben Roberts og aðstoðarmann yfir kaupaum Brighton, Kyle Macaulay með sér til Chelsea.
„Ég er ótrúlega stoltur af því að taka við Chelsea,“ segir Potter sem kemur til félagsins frá Brighton.
Potter vann gott starf hjá Brighton og borgar Chelsea í kringum 13 milljónir punda til að fá Potter til starfa.
„Þetta er fra´bært félag. Ég vil þakka Brighton fyrir að gefa mér tækifærið og sérstaklega Tony Bloom og öllum leikmönnum.“
Todd Bohely fagnar því að fá Potter í starfið. „Við erum virkilega stolt af því að fá Graham til Chelsea. Hann hefur sannað ágæti sitt í deildinni. Við hlökkum til að styðja hann til góðra verka,“ segir Bohely.
