Það fór fram gjörsamlega sturlaður leikur á Akranesi í kvöld er ÍA og KR áttust við.

KR ætlaði að taka þægilega þrjú punkta heim í Vesturbæinn um tíma og komst í 3-0 eftir 28 mínútur.

Þá hófst svakaleg endurkoma ÍA sem skoraði þrjú mörk á móti og tókst að jafna metin í 3-3.

Atli Sigurjónsson kom svo KR aftur yfir á 53. mínútu með sínu öðru marki áður en Eyþór Aron Wöhler gerði sitt annað mark til að tryggja ÍA stig.

ÍA er nú einu stigi frá öruggu sæti eftir stigið en KR situr þægilega um miðja deild.

Jón Þór Hauksson, þjálfari ÍA, var bálreiður í fyrri hálfleik í dag og gerði fjórfalda skiptingu á 38. mínútu er staðan var 3-1 fyrir KR.

Þessar skiptingar skiluðu sér heldur betur og er líklega um met að ræða í efstu deild eins og Guðmundur Benediktsson bendir á.

Skaginn með fjórfalda skiptingu á 38 mins, met í efstu deild held ég 👀#BestaDeildin

— Gummi Ben (@GummiBen) September 4, 2022