Knattspyrnusamband Íslands auglýsti á dögunum starf yfirmanns knattspyrnumála laust.
Arnar Þór Viðarsson, þjálfari karlalandsliðs Íslands, hefur sinnt starfinu síðan 2019 og samhliða þjálfun landsliðsins síðan í lok árs 2020.
Umsóknarfrestur er um til 15. september
Til að koma til greina í starfið þarf að vera með UEFA PRO-gráðu, eða víðtæka reynslu af þjálfun á öllum stigum.
Þetta var til umræðu í hlaðvarpsþættinum Þungavigtinni. Þar var sett spurningamerki við þetta.
„Ég held þetta sé því það er búið að ráða, að þetta sé leikrit, svo það sé ekki endalaust af fólki að sækja um. Þau vita kannski nokkurn veginn hver verður ráðinn,“ sagði Mikael Nikulásson í þættinum.
Þáttastjórnendur töldu sig jafnframt hafa heimildir fyrir því að Jörundur Áki Sveinsson væri líklegur til að hreppa starfið.
