Fyrsta markmið Erling Haaland hjá Manchester City er að skora 18 mörk í ensku úrvalsdeildinni til að jafna met föður síns í þeirri deild.

Alf Inge Haaland er faðir Erling en hann spilaði með Nottingham Forest, Leeds og Man City á ferlinum og gerði 18 mörk talsins.

Alf var þó ekki sóknarmaður eins og sonurinn og spilaði aðallega í bakverði eða aftarlega á miðjunni.

Erling er nú þegar í góðum málum þegar kemur að þessu meti og hefur skorað sex mörk í fyrstu fjórum leikjum sínum í úrvalsdeildinni.

,,Hann mun örugglega segja að hann sé með fleiri mörk í ensku úrvalsdeildinni en ég svo það er met sem ég mun klárlega elta,“ sagði Haaland.

,,Ég hugsa ekki of mikið um mörkin fyrir leik og vil bara spila eins vel og ég get og reyna að ná sigrinum.“