Paul Scholes, goðsögn Manchester United, vorkennir sóknarmanninum Antony sem spilar með Ajax.

Antony vill fátt meira en að komast til Man Utd í sumar og hefur enska félagið reynt mikið til að fá hann í sínar raðir.

Það hefur þó ekki gengið upp hingað til en Scholes vorkennir Brasilíumanninum fyrir þá stöðu sem hann er í fyrir að vera fastur hjá hollenska félaginu.

,,Þú myndir búast við því að hann vilji yfirgefa Ajax til að semja við Manchester United, auðvitað,“ sagði Scholes.

,,Þú verður að hundsa peningana þessa dagana, það er borgað fáránlega upphæð fyrir hvern einasta leikmann.“

,,Hann lítur út fyrir að vera hæfileikaríkur og við getum talað um að upphæðin sé of há en eins og ég segi þá er hún klikkuð í dag.“

,,Ég vorkenni stráknum töluvert því augljóslega vill hann koma til Man Utd sem er eitt stærsta félag heims.“

,,Hann er í góðu félagi hjá Ajax, ekki misskilja mig, en þetta er alvöru knattspyrnufélag þar sem hann fær áhorf út um allan heim.“