Réttarhöldin yfir Benjamin Mendy, sem er á mála hjá Manchester City, halda áfram.
Mendy er sakaður um átta nauðganir, eitt kynferðisbrot og eina tilraun til nauðgunar. Atvikin eiga að hafa átt sér stað frá október 2018 til ágúst 2021.
Einnig er réttað yfir vini Mendy, Louis Saha Matturie. Sá er sakaður um átta nauðganir og fjögur kynferðisbrot. Alls eru þrettán konur sem tengjast brotum þeirra félaga.
Í dag fékk kviðdómur að heyra sögu einnar konu sem sakar Mendy um nauðgun af lögregluupptöku. Konan segist hafa hitt Mendy í júlí á síðasta ári. Var henni svo boðið heim til hans.
Þau fóru í sund og kysstust áður en hann girti buxurnar niður um sig. „Hann sagði að allar konurnar þarna vildu sofa hjá honum. Ég sagði bara allt í lagi. Ég held að hann hafi sagt þetta svo mig langaði að gera eitthvað með honum,“ segir konan.
„Ég sagði að ég myndi ekki gera neitt svoleiðis með honum og þurfti að afsaka það. Þetta var eins og að rífast við vegg.“
Konunni langaði ekkert til að stunda kynlíf með Mendy. Hún hafði til dæmis áhyggjur af því að meiða sig. „Hann sagði „það er lítið.“ Ég sagði honum að hann væri ekki að auka líkurnar sínar með því að segja það.“
„Við enduðum á að stunda kynlíf. Það entist heldur ekki lengi, eftir 20 sekúndur var því lokið. Mér leið eins og ég væri skítug eftir á.“
