Ensk félög eru nú sögð horfa til miðjumannsins Scott McTominay sem spilar með Manchester United.
Enskir miðlar greina frá þessu um helgina en Man Utd er að fá til sín Casemiro frá Real Madrid.
Man Utd hefur náð samkomulagi við Real um kaupverð á leikmanninum og munu þau ganga í gegn á næstu dögum.
McTominay mun því að öllum líkindum missa sæti sitt í byrjunarliði Man Utd og gæti verið fáanlegur í sumar.
Samkvæmt þessum fregnum eru ófá úrvalsdeildarfélög sem hafa áhuga á McTominay sem er skoskur landsliðsmaður og enn aðeins 25 ára gamall.
Skotinn hefur sjálfur ekki beðið um sölu en gæti verið opinn fyrir skiptum ef tækifærin verða af skornum skammti í vetur.
