Arnór Sigurðsson bæði skoraði og lagði upp fyrir lið Norrköping í dag sem mætti AIK í sænsku úrvalsdeildinni.

Arnór var í byrjunarliði Norrköping í 4-2 tapi á heimavelli líkt og Arnór Ingvi Traustason.

Arnór skoraði fyrra mark Norrköping undir lok leiks og lagði svo upp annað markið á Maic Sema stuttu síðar.

Andri Lucas Guðjohnsen var á varamannabekk Norrköping en kom inná sem varamaður á 57. mínútu í tapinu.

Sveinn Aron Guðjohnsen spilaði 20 mínútur fyrir Elfsborg í sömu deild sem gerði 1-1 jafntefli við Varnamo.

Í Noregi byrjaði Hólmbert Aron Friðjónsson fyrir Lilleström og spilaði hálfleik er liðið vann 3-0 sigur á Sandefjord.

Kristall Máni Ingason lék um hálftíma fyrir Rosenborg sem vann á sama tíma 2-1 sigur á Álasund.

Böðvar Böðvarsson lagði upp mark fyrir Trelleborg í B-deildinni í Svíþjóð er liðið vann Dalkurd, 4-2. Böðvar lagði upp fyrsta mark liðsins en Trelleborg lenti 2-0 undir á heimavelli og sneri leiknum sér í vil.

Í sömu deild lék Alex Þór Hauksson á miðju Öster sem vann góðan 3-0 sigur á Brage á útivelli.

Hörður Björgvin Magnússon lék með liði PAOK í Grikklandi og stóð vaktina í hjarta varnarinnar er liðið vann Ianikos 1-0.

Annar varnarmaður eða Hjörtur Hermannsson spilaði með Pisa í B-deildinni á Ítalíu er liðið gerði 2-2 jafntefli við Como.